ماهي أول خسارة
خلها على الله ماهي اول خساره،، وياقلبي اصبر يمكن تكون خيره
ان كان ماوده يجي باختياره،، اللي خلقه الله خلق ناس غيره
ليت عرف البعد وشلون ناره،، ماكان يبعد عني ويرح لدياره
الشوق بعثرني وطال انتظاره،، يعني خلاص الحب هذا مصيره
بعض الشعر يفقع عليك المراره،، وبعضه يداوي كل نفس كسيره
انا لعبت القاف واربكت كاره،، لكن عفته يوم حاسو مريره
من صارو الشعار نوره وساره،، وسيمون اسمر يقود المسيره
بكره يصير الشعر رهن استعاره،، يعني تقبل لو تهيجن شكيره
النفس طابت يوم كشف الستاره،، ويوم الكبيره تستوي بالصغيره
دام انها ساحه لوي واستداره،، بشوم عنها وياعساها سفيره
بطران ؟؟ لا والله شيخ البطاره،، واعز نفسي عن نفوس حقيره
واعرف اميز بدوها من زباره،، واللي خدم مهما وصل يتبع اميره
بنهي اناالموضوع وش لي بعاره،، وارد للي ماتأنب ضميره
خلن ظلمني ماعدلني قراره، وهو سبة احزاني وقلبي اسيره
اقفى ولا ادري وين صارت ادياره،، والمشكله ماعاد لي معه سيره
قامت تعذر جيته والزياره،، وانا جروحي من بعاده خطيره
اومنى بكفه وابتسم لي بحقـــاره،، وعرفت ريح المسك من نفخ كيره
هو يحسب ان الغــــدر فن وشطــــــــــاره،، بس مادرى ماطار بالحب طيره
وخليها على الله ماهي اول خساره واللي خلقه الله خلق ناس غيره
موضوع: ماهي أول خساره 
الخميس مايو 01, 2008 10:41 pm
