حبيت نحكى على اكثر شعب مستعجل فى العالم وهو نحنا سبحانه الله ؟؟
المشكلة من فراغ بكل يعنى ديمة مستعجل وعلى الابيض يعنى مفيش اى شى محدد !!
يعنى اتجى للطريق كلها تجرى مفيش حد يمشى بشويه بكل وكلهم مستعجلين ؟؟
اسال على اى حادث سيارة فى ليبيا 99% من السرعة شوف بعينك وتاكد
واليبى عمره طويل لكن كملتهم الطريق ، والله من الافضل يردو على ( البعير ) خير !!
تجى للسمافرو والاشارة حمرة تلقاه يعيط ويبيب ويقولك هيا بسرعة !!!!
اول ما يكسد معك صاحبك شويه ايقولك هيا سلام يا عمو كنك يقولك مستعجل ؟
تلقاه مصبى فى الطبور او فى اى مكان وتلقاه ساكن ويقولك مستعجل ؟
تخش للمستشفى تلقاه يجرى وحايس يقولك نبى ننهى بسرعة لانى مستعجل ؟
يبى يصلح اى حاجه اقوله نبيك اتصلحها بسرعة لانى والله مستعجل ؟؟
البلاد لما يهتمو فيها عشان شهر تسعة ما يبدو الا شهر ثمانه
تلقاهم يخدمو بسرعة بكل وخدمة مستعجلة ليش مش عارف المهم تلقاه مستعجل؟
نبى سبب الا ستعجال هذا كله ليش ؟
والله ما عندهم حاجه لكن استعجال من فراغ وهكى بس يدعو الشطارة
والمشكلة بعد هذا كل الاستعجال ما ينهو فى شى بكل ولا يديرو شى ينفع
وعلى ذكر الاستعجال والسرعة ؟
قالك فى واحد من السودان عاش فى ليبيا وااااااجد ولما روح للسودان يسال فى هله ؟؟
كيفكم وكيف الجو ؟
قالوله ليش انت ما عندك خير ؟؟
قاللهم خبر شنو ؟
قالوله البلاد جاها زلزال شدشد سرعته 260
قاللهم ليش 260 هو سايقو ليبى ؟
دليلى انه الليبى شوره السرعة والستعجال والمشكلة اللى وجعنى من فراغ
والحجات اللى تبى سرعة ما يدروهش لكى بسرعة ؟؟
واكيد من كثر الاستعجال مش راح تقرى الموضوع أنا جبت الموضوع من منتدي أخر فقط لنشر المعلومة
موضوع: شعب الله المستعجل 
السبت أغسطس 23, 2008 5:15 pm
